har talluq hi khoTa lagta hai

har ta'alluq hī khoTā lagtā hai

ik vahī ham ko achchhā lagtā hai

jab se dekhe haiñ ghar amīroñ ke

apnā ghar kitnā chhoTā lagtā hai

phuul dekhūñ to us kā chehra hī

har taraf mujh ko ubhrā lagtā hai

aa.ina dekh luuñ to ab aksar

merā chehra bhī us kā lagtā hai

zikr us kā abhī kiyā hī thā

log kahte haiñ achchhā lagtā hai

niiñd aatī hai jism ko lekin

dil musalsal jagā sā lagtā hai

jā chukā hai vo merī duniyā se

par ḳhayāloñ meñ Thahrā lagtā hai

haath hai us kā haath meñ mere

to safar kitnā pyārā lagtā hai

jis ko chāhā thā TuuT kar maiñ ne

ab vahī shaḳhs badlā lagtā hai

har ta'alluq hi khoTa lagta hai

ek wahi hum ko achchha lagta hai

jab se dekhe hain ghar amiron ke

apna ghar kitna chhoTa lagta hai

phul dekhun to us ka chehra hi

har taraf mujh ko ubhra lagta hai

aaina dekh lun to ab aksar

mera chehra bhi us ka lagta hai

zikr us ka abhi kiya hi tha

log kahte hain achchha lagta hai

nind aati hai jism ko lekin

dil musalsal jaga sa lagta hai

ja chuka hai wo meri duniya se

par KHayalon mein Thahra lagta hai

hath hai us ka hath mein mere

to safar kitna pyara lagta hai

jis ko chaha tha TuT kar main ne

ab wahi shaKHs badla lagta hai