bil-aKHir mustaqil laDte hue lashkar ka kya hoga
bil-āḳhir mustaqil laḌte hue lashkar kā kyā hogā
bacheñge ek do lekin ziyāda-tar kā kyā hogā
maiñ aise ehtiyātan to bachā saktā huuñ piiTh apnī
magar phir sochtā huuñ ġhairat-e-ḳhanjar kā kyā hogā
savār ab hai sabhī pe dhun yahāñ tark-e-ta'alluq kī
kise parvāh hai mere dil-e-muztar kā kyā hogā
sivā tere koī bhī to nahīñ aatā mire ghar par
tū gar rūThegā mujh se to batā is ghar kā kyā hogā
badan paḌ jā.egā ThanDā mirā ik roz aur us din
maiñ dekhūñgā tirī is garmī-e-tevar kā kyā hogā
bil-aKHir mustaqil laDte hue lashkar ka kya hoga
bachenge ek do lekin ziyaada-tar ka kya hoga
main aise ehtiyatan to bacha sakta hun piTh apni
magar phir sochta hun ghairat-e-KHanjar ka kya hoga
sawar ab hai sabhi pe dhun yahan tark-e-ta'alluq ki
kise parwah hai mere dil-e-muztar ka kya hoga
siwa tere koi bhi to nahin aata mere ghar par
tu gar ruThega mujh se to bata is ghar ka kya hoga
badan paD jaega ThanDa mera ek roz aur us din
main dekhunga teri is garmi-e-tewar ka kya hoga
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
