ai gham-e-ishq mujhe itni suhulat de de
ai ġham-e-'ishq mujhe itnī suhūlat de de
aur bhī kaam haiñ so thoḌī sī fursat de de
us kī marzī vo ta'alluq ko jo sūrat de de
haath chhoḌe mirā yā thaam ke himmat de de
us ke dīdār kā is darje hai jaadū mujh par
jaise bīmār ko chhū kar koī rāhat de de
be-vafā.ī se tirā dil to dukhā hai phir bhī
ye du'ā hai ki ḳhudā tujh ko hidāyat de de
kaash ki tū bhī kisī shaḳhs kī ḳhātir taḌpe
kaash rab tujh ko bhī yak-tarfa mohabbat de de
ai gham-e-'ishq mujhe itni suhulat de de
aur bhi kaam hain so thoDi si fursat de de
us ki marzi wo ta'alluq ko jo surat de de
hath chhoDe mera ya tham ke himmat de de
us ke didar ka is darje hai jadu mujh par
jaise bimar ko chhu kar koi rahat de de
be-wafai se tera dil to dukha hai phir bhi
ye du'a hai ki KHuda tujh ko hidayat de de
kash ki tu bhi kisi shaKHs ki KHatir taDpe
kash rab tujh ko bhi yak-tarfa mohabbat de de
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
