us ka mamul hai har roz shikayat sahib

us kā mā'mūl hai har roz shikāyat sāhib

mujh pe lāzim hai ki denī hai vazāhat sāhib

haa.e zindāñ kī ghuTan meñ tirā ehsāñ mujh par

saañs lene kī mujhe de dī ijāzat sāhib

āsmānoñ ko mire chhīn liyā us ke 'evaz

dī ga.ī hai mujhe ik chhat kī suhūlat sāhib

dhuup barsāt se phīke nahīñ hoñge hargiz

apne rangoñ kī maiñ detī huuñ zamānat sāhib

jang jiitī hai anā kī so vo masrūr phire

maiñ bhī dafnāne ko baiThī huuñ mohabbat sāhib

maiñ munāfiq to bahar-hāl nahīñ ho saktī

jab na īmān rahā kaisī itā'at sāhib

tum meñ dam hai to karo ḳhatm ta'alluq mujh se

kar rahī huuñ sar-e-mahfil maiñ baġhāvat sāhib

us ka ma'mul hai har roz shikayat sahib

mujh pe lazim hai ki deni hai wazahat sahib

hae zindan ki ghuTan mein tera ehsan mujh par

sans lene ki mujhe de di ijazat sahib

aasmanon ko mere chhin liya us ke 'ewaz

di gai hai mujhe ek chhat ki suhulat sahib

dhup barsat se phike nahin honge hargiz

apne rangon ki main deti hun zamanat sahib

jang jiti hai ana ki so wo masrur phire

main bhi dafnane ko baiThi hun mohabbat sahib

main munafiq to bahar-haal nahin ho sakti

jab na iman raha kaisi ita'at sahib

tum mein dam hai to karo KHatm ta'alluq mujh se

kar rahi hun sar-e-mahfil main baghawat sahib