sath ghairon ko liye wo mere ghar aate hain

saath ġhairoñ ko liye vo mire ghar aate haiñ

ḳhair ho dekhiye āmāda-e-shar aate haiñ

sāmne aap ke dāñtoñ ke agar aate haiñ

āb-dīda dur-e-shahvār nazar aate haiñ

is qadar husn kā jalva hai basā āñkhoñ meñ

dekhte ham haiñ jidhar aap nazar aate haiñ

qatl karnā mirā manzūr hai un ko shāyad

ganjifa meñ bhī jo shamshīr kā sar aate haiñ

raat ko ġhair ke ghar rah ke hue haiñ vo ḳhajil

shaam ke bhūle hue vaqt-e-sahar aate haiñ

aap ne bazm-e-raqībañ meñ bulāyā hai hameñ

ḳhair thāme hue hāthoñ se jigar aate haiñ

chhoḌ kar mujh ko 'adam dost ga.e kitnī jald

naqsh-e-pā tak bhī nahīñ un ke nazar aate haiñ

sust aa'zā hue bāloñ meñ safedī aa.ī

chauñk paiġhām-e-safar vaqt-e-sahar aate haiñ

jaan 'āshiq kī na le jald Thahr jā dam bhar

ab sunā hai ki vo ai dard-e-jigar aate haiñ

kyuuñ nakīrain kī pursish kā 'fasāhat' hai ḳhauf

pa-e-imdād shah-e-jinn-o-bashar aate haiñ

sath ghairon ko liye wo mere ghar aate hain

KHair ho dekhiye aamada-e-shar aate hain

samne aap ke danton ke agar aate hain

aab-dida dur-e-shahwar nazar aate hain

is qadar husn ka jalwa hai basa aankhon mein

dekhte hum hain jidhar aap nazar aate hain

qatl karna mera manzur hai un ko shayad

ganjifa mein bhi jo shamshir ka sar aate hain

raat ko ghair ke ghar rah ke hue hain wo KHajil

sham ke bhule hue waqt-e-sahar aate hain

aap ne bazm-e-raqiban mein bulaya hai hamein

KHair thame hue hathon se jigar aate hain

chhoD kar mujh ko 'adam dost gae kitni jald

naqsh-e-pa tak bhi nahin un ke nazar aate hain

sust aa'za hue baalon mein safedi aai

chaunk paigham-e-safar waqt-e-sahar aate hain

jaan 'ashiq ki na le jald Thahr ja dam bhar

ab suna hai ki wo ai dard-e-jigar aate hain

kyun nakirain ki pursish ka 'fasahat' hai KHauf

pa-e-imdad shah-e-jinn-o-bashar aate hain