ghaflat mein ji raha hai tu is be-ruKHi ke sath
ġhaflat meñ jī rahā hai tū is be-ruḳhī ke saath
jaise tire baġhair huuñ maiñ tīrgī ke saath
maiñ ne kahā mazāq meñ to zindagī hai yaar
phir ho gayā mazāq mirī zindagī ke saath
ḳhāna-ba-dosh log haiñ marte haiñ bhuuk se
ġhurbat milī hai tohfa hameñ be-gharī ke saath
maiñ mubtalā huuñ hijr meñ aur vasl meñ raqīb
maiñ ik balā ke saath huuñ vo ik parī ke saath
mere sahāre us ne guzārā hai bas samay
ban kar rahā huuñ cell maiñ jaise ghaḌī ke saath
vo shaḳhs mere dil se hai aise juḌā huā
jaise juḌā hai dard mirī shā'irī ke saath
machhlī baġhair paanī taḌaptī hai jis tarah
us tarh maiñ rahā huuñ tumhārī kamī ke saath
ghaflat mein ji raha hai tu is be-ruKHi ke sath
jaise tere baghair hun main tirgi ke sath
main ne kaha mazaq mein to zindagi hai yar
phir ho gaya mazaq meri zindagi ke sath
KHana-ba-dosh log hain marte hain bhuk se
ghurbat mili hai tohfa hamein be-ghari ke sath
main mubtala hun hijr mein aur wasl mein raqib
main ek bala ke sath hun wo ek pari ke sath
mere sahaare us ne guzara hai bas samay
ban kar raha hun cell main jaise ghaDi ke sath
wo shaKHs mere dil se hai aise juDa hua
jaise juDa hai dard meri sha'iri ke sath
machhli baghair pani taDapti hai jis tarah
us tarh main raha hun tumhaari kami ke sath
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
