sukut-e-shab pe khula jab bhi mere haal ka rang

sukūt-e-shab pe khulā jab bhī mere haal kā rang

fazā meñ aur bhī ghultā gayā malāl kā rang

Thahar gayā mirī miTTī meñ rang-e-fasl-e-bahār

guzar gayā hai baras kar tire jamāl kā rang

phir us ke baa'd kahāñ aa.ine meñ taab rahī

bas ek 'aks thā aur 'aks meñ kamāl kā rang

maiñ band āñkhoñ se dīdār un kā kartā huuñ

kahīñ vo dekh na leñ aañkh meñ savāl kā rang

'nadīm' phir shab-e-furqat kā rang uḌne lagā

mahak rahā hai mire baam par visāl kā rang

sukut-e-shab pe khula jab bhi mere haal ka rang

faza mein aur bhi ghulta gaya malal ka rang

Thahar gaya meri miTTi mein rang-e-fasl-e-bahaar

guzar gaya hai baras kar tere jamal ka rang

phir us ke ba'd kahan aaine mein tab rahi

bas ek 'aks tha aur 'aks mein kamal ka rang

main band aankhon se didar un ka karta hun

kahin wo dekh na len aankh mein sawal ka rang

'nadim' phir shab-e-furqat ka rang uDne laga

mahak raha hai mere baam par visal ka rang