yar ko ashk-bar dekha hai

yaar ko ashk-bār dekhā hai

rāz-e-dil āshkār dekhā hai

jis ne paayā hai naqsh-e-pā-e-nāz

sar vahī sū-e-dār dekhā hai

dīda-e-giryāñ sīna-e-biryāñ

husn kā shāhkār dekhā hai

chashm-e-sāqī meñ Duub kar ham ne

qulzum-e-be-kanār dekhā hai

be-niyāz-e-vafā ko duniyā ne

mahv-e-sad-intizār dekhā hai

dāman-e-sabr ab kahāñ 'vāsif'

har rag-e-tār ḳhaar dekhā hai

yar ko ashk-bar dekha hai

raaz-e-dil aashkar dekha hai

jis ne paya hai naqsh-e-pa-e-naz

sar wahi su-e-dar dekha hai

dida-e-giryan sina-e-biryan

husn ka shahkar dekha hai

chashm-e-saqi mein Dub kar hum ne

qulzum-e-be-kanar dekha hai

be-niyaz-e-wafa ko duniya ne

mahw-e-sad-intizar dekha hai

daman-e-sabr ab kahan 'wasif'

har rag-e-tar KHar dekha hai