hazar dil mein sawal rakhna use na kahna
hazār dil meñ savāl rakhnā use na kahnā
aur is hunar meñ kamāl rakhnā use na kahnā
tumhārī saarī udāsiyoñ kā sabab vahī hai
ye Thiik hai par ḳhayāl rakhnā use na kahnā
vo is bahāne palaT ke aa.egā dekh lenā
kitāb us kī sañbhāl rakhnā use na kahnā
vo tark-e-ulfat kī baat chheḌe to maan jaanā
phir apnā jaisā bhī haal rakhnā use na kahnā
ye rakh rakhāo hī shā'irī hai so mere shā'ir
ġhazal meñ us kā jamāl rakhnā use na kahnā
hazar dil mein sawal rakhna use na kahna
aur is hunar mein kamal rakhna use na kahna
tumhaari sari udasiyon ka sabab wahi hai
ye Thik hai par KHayal rakhna use na kahna
wo is bahane palaT ke aaega dekh lena
kitab us ki sanbhaal rakhna use na kahna
wo tark-e-ulfat ki baat chheDe to man jaana
phir apna jaisa bhi haal rakhna use na kahna
ye rakh rakhao hi sha'iri hai so mere sha'ir
ghazal mein us ka jamal rakhna use na kahna
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
