dusri bar ye minnat-kash-e-saqi na hua

dūsrī baar ye minnat-kash-e-sāqī na huā

'ishq vo ḳhum hai jo bhar kar kabhī ḳhālī na huā

rok de raqs-e-masarrat koī shāyad us kā

dard ke bas meñ to hogā dil-e-vahshī na huā

lafz kuchh kahte the chehre kā ta.assur kuchh thā

yuuñ huā baat pe āmāda vo yā'nī na huā

jaane kab kaun sī shab us pe ho vo raaz 'ayāñ

niiñd meñ bhī jo mirī aañkh se maḳhfī na huā

muddatoñ baa'd huā aaj muāfiq thī nazar

bādbāñ aaj bhī raqsāñ sar-e-kashtī na huā

dusri bar ye minnat-kash-e-saqi na hua

'ishq wo KHum hai jo bhar kar kabhi KHali na hua

rok de raqs-e-masarrat koi shayad us ka

dard ke bas mein to hoga dil-e-wahshi na hua

lafz kuchh kahte the chehre ka tassur kuchh tha

yun hua baat pe aamada wo ya'ni na hua

jaane kab kaun si shab us pe ho wo raaz 'ayan

nind mein bhi jo meri aankh se maKHfi na hua

muddaton ba'd hua aaj muafiq thi nazar

baadban aaj bhi raqsan sar-e-kashti na hua