tufan ban ke gardish-e-dauran thi raat bhar
tūfān ban ke gardish-e-daurāñ thī raat bhar
bazm-e-taḳhayyulāt pareshāñ thī raat bhar
har phuul har ravish pe udāsī 'ajīb thī
jaane kahāñ bahār-e-gulistāñ thī raat bhar
haañ tere intizār meñ be-kaif sī rahī
āñgan meñ chāñdnī mirī mehmāñ thī raat bhar
bastī tabāh kar ke vo din meñ chalā gayā
lekin diloñ meñ haibat-e-tūfāñ thī raat bhar
hālāt ne zamāne ko dushman kiyā to kyā
ḳhud mujh se merī niiñd gurezāñ thī raat bhar
maiñ dostoñ ke saath 'zafar' kitnā ḳhush rahā
lekin udaas rāh-e-shabistāñ thī raat bhar
tufan ban ke gardish-e-dauran thi raat bhar
bazm-e-taKHayyulat pareshan thi raat bhar
har phul har rawish pe udasi 'ajib thi
jaane kahan bahaar-e-gulistan thi raat bhar
han tere intizar mein be-kaif si rahi
aangan mein chandni meri mehman thi raat bhar
basti tabah kar ke wo din mein chala gaya
lekin dilon mein haibat-e-tufan thi raat bhar
haalat ne zamane ko dushman kiya to kya
KHud mujh se meri nind gurezan thi raat bhar
main doston ke sath 'zafar' kitna KHush raha
lekin udas rah-e-shabistan thi raat bhar
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
