sukut-e-zard kabhi surKH si sada ho kar
sukūt-e-zard kabhī surḳh sī sadā ho kar
mujhe dikhā.ī diyā zahr kyā se kyā ho kar
ravāñ rahā mire siine pe raat kā dariyā
ghirā thā sar pe siyah āsmāñ ghaTā ho kar
safed saañp ki soyā paḌā thā jangal meñ
chamak gayā mirī āñkhoñ meñ rāstā ho kar
ye sat.h-e-āb kī larzish hai mere dam se ki maiñ
rachā huā huuñ fazā meñ ram-e-havā ho kar
Darā.e rakhtā hai sab ko jo tez kāñToñ se
kabhī milā thā mujhe shāḳh se judā ho kar
bikhar chalā huuñ 'zafar' raakh ban ke rāhoñ meñ
maiñ dil kī aag se niklā thā kīmiyā ho kar
sukut-e-zard kabhi surKH si sada ho kar
mujhe dikhai diya zahr kya se kya ho kar
rawan raha mere sine pe raat ka dariya
ghira tha sar pe siyah aasman ghaTa ho kar
safed sanp ki soya paDa tha jangal mein
chamak gaya meri aankhon mein rasta ho kar
ye sath-e-ab ki larzish hai mere dam se ki main
racha hua hun faza mein ram-e-hawa ho kar
Darae rakhta hai sab ko jo tez kanTon se
kabhi mila tha mujhe shaKH se juda ho kar
bikhar chala hun 'zafar' rakh ban ke rahon mein
main dil ki aag se nikla tha kimiya ho kar
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
