basti mein koi ek bhi bimar nahin hai
bastī meñ koī ek bhī bīmār nahīñ hai
lagtā hai yahāñ 'ishq kā darbār nahīñ hai
be-kār zamāne kā hai vo merī nazar meñ
jo shaḳhs mohabbat meñ giraftār nahīñ hai
royā hai janāze pe yaqīnan mirā qātil
varna to koī aur 'azādār nahīñ hai
hogā na vahāñ sāhib-e-hikmat koī paidā
jis des meñ tā'līm kā me'yār nahīñ hai
dahqāñ ko bhalā kaise mile roTī jahāñ par
sarkār ke hāthoñ meñ bhī sarkār nahīñ hai
basti mein koi ek bhi bimar nahin hai
lagta hai yahan 'ishq ka darbar nahin hai
be-kar zamane ka hai wo meri nazar mein
jo shaKHs mohabbat mein giraftar nahin hai
roya hai janaze pe yaqinan mera qatil
warna to koi aur 'azadar nahin hai
hoga na wahan sahib-e-hikmat koi paida
jis des mein ta'lim ka me'yar nahin hai
dahqan ko bhala kaise mile roTi jahan par
sarkar ke hathon mein bhi sarkar nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
