yaad ke jazire par rang ke bahaw mein
yaad ke jazīre par rang ke bahāv meñ
mausamoñ kī bārish ke giit ke chunāv meñ
dil ko kar liyā maiñ ne qaid ab dalīloñ meñ
is tarah se simTā huuñ dard-e-dil ke ghaav meñ
aap apnā zaa.ir huuñ tuur hai mire dil meñ
jal rahā huuñ apnī hī zaat ke alaav meñ
'ārzī kī chāhat meñ dā.imī ko bhūlā huuñ
ḳhud ko bech aayā huuñ kauḌiyoñ ke bhaao meñ
dhuup sah nahīñ sakte ranj kaise jheloge
kaash tum kabhī jalte ziist ke alaav meñ
yaad ke jazire par rang ke bahaw mein
mausamon ki barish ke git ke chunaw mein
dil ko kar liya main ne qaid ab dalilon mein
is tarah se simTa hun dard-e-dil ke ghaw mein
aap apna zair hun tur hai mere dil mein
jal raha hun apni hi zat ke alaw mein
'arzi ki chahat mein daimi ko bhula hun
KHud ko bech aaya hun kauDiyon ke bhao mein
dhup sah nahin sakte ranj kaise jheloge
kash tum kabhi jalte zist ke alaw mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
