ubhre koi gali koi rasta dikhai de
ubhre koī galī koī rasta dikhā.ī de
dil ke ġhamoñ kā kuchh to mudāvā dikhā.ī de
tahrīr us kī dekh ke yuuñ ḳhush huā hai dil
pyāse ko jaise duur se dariyā dikhā.ī de
kyā soch kar nazāra-e-kaun-o-makāñ kareñ
jab zindagī hī apnī tamāshā dikhā.ī de
shahr-e-sanam meñ garmī-e-bāzār dekh kar
har shaḳhs chāhtā hai sajīlā dikhā.ī de
is darja hai udaas dil-e-zār shām-e-hijr
jhoñkā ḳhunak havā kā dilāsā dikhā.ī de
phirte haiñ is ḳhayāl se ham kū-ba-kū 'fuzail'
shāyad kahīñ vo chāñd sā chehrā dikhā.ī de
ubhre koi gali koi rasta dikhai de
dil ke ghamon ka kuchh to mudawa dikhai de
tahrir us ki dekh ke yun KHush hua hai dil
pyase ko jaise dur se dariya dikhai de
kya soch kar nazara-e-kaun-o-makan karen
jab zindagi hi apni tamasha dikhai de
shahr-e-sanam mein garmi-e-bazar dekh kar
har shaKHs chahta hai sajila dikhai de
is darja hai udas dil-e-zar sham-e-hijr
jhonka KHunak hawa ka dilasa dikhai de
phirte hain is KHayal se hum ku-ba-ku 'fuzail'
shayad kahin wo chand sa chehra dikhai de
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
