kuchh is KHulus se usne mujhe diya pani

kuchh is ḳhulūs se us ne mujhe diyā paanī

ki baar baar maiñ bas māñgtā rahā paanī

kisī ke Dol uThāne kī laaj rakhnī paḌī

agarche pyaas nahīñ thī magar piyā paanī

hamārā puurā utarnā bhī rā.egāñ hī gayā

kisī ne paaoñ Dubo.e to ḳhush huā paanī

har ek kaam mirī soch ke ḳhilāf huā

ki maiñ ne aag jalā.ī baras paḌā paanī

vo shaḳhs ret ke Tīloñ se kyā gila kartā

ki jis ko bar-sar-e-dariyā nahīñ milā paanī

kisī ko yaad nahīñ hai hamārā husn-e-sulūk

vo nek kaam thā aur us pe bah chukā paanī

namak kā daur purānā hai kuchh nayā kiije

leñ mere zaḳhm pe Dāleñ ye khaultā paanī

kisī kā saath bhī honā bahut zarūrī hai

barā-e-zindagī kaafī nahīñ havā paanī

hamāre zabt kī tauhīn ho ga.ī 'kāshif'

hudūd-e-chashm se aage nikal gayā paanī

kuchh is KHulus se us ne mujhe diya pani

ki bar bar main bas mangta raha pani

kisi ke Dol uThane ki laj rakhni paDi

agarche pyas nahin thi magar piya pani

hamara pura utarna bhi raegan hi gaya

kisi ne paon Duboe to KHush hua pani

har ek kaam meri soch ke KHilaf hua

ki main ne aag jalai baras paDa pani

wo shaKHs ret ke Tilon se kya gila karta

ki jis ko bar-sar-e-dariya nahin mila pani

kisi ko yaad nahin hai hamara husn-e-suluk

wo nek kaam tha aur us pe bah chuka pani

namak ka daur purana hai kuchh naya kije

len mere zaKHm pe Dalen ye khaulta pani

kisi ka sath bhi hona bahut zaruri hai

bara-e-zindagi kafi nahin hawa pani

hamare zabt ki tauhin ho gai 'kashif'

hudud-e-chashm se aage nikal gaya pani