KHud ko apna chehra pyara lagta hai
ḳhud ko apnā chehra pyārā lagtā hai
tab jā kar kamre meñ shīsha lagtā hai
maiñ us ko bas apne jaisā lagtā huuñ
aur vo mujh ko merī duniyā lagtā hai
ḳhvāb nayā aane hī tak in āñkhoñ ko
pahle vaalā ḳhvāb sunahrā lagtā hai
haath usī kā hai qissa uljhāne meñ
vo kirdār jo sab ko achchhā lagtā hai
is duniyā meñ har insāñ kā jism mujhe
dhuup ke aage barf kā TukḌā lagtā hai
pyāse rah kar dariyā ko Thukrāne kā
sabr kamāne meñ ik 'arsa lagtā hai
KHud ko apna chehra pyara lagta hai
tab ja kar kamre mein shisha lagta hai
main us ko bas apne jaisa lagta hun
aur wo mujh ko meri duniya lagta hai
KHwab naya aane hi tak in aankhon ko
pahle wala KHwab sunahra lagta hai
hath usi ka hai qissa uljhane mein
wo kirdar jo sab ko achchha lagta hai
is duniya mein har insan ka jism mujhe
dhup ke aage barf ka TukDa lagta hai
pyase rah kar dariya ko Thukrane ka
sabr kamane mein ek 'arsa lagta hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
