ek poras bhi sikandar hai tumhein kya malum
ek poras bhī sikandar hai tumheñ kyā mā'lūm
mom apnī jagah patthar hai tumheñ kyā mā'lūm
bhiiḌ rishtoñ kī bhī hai aur hai tanhā.ī bhī
ghar meñ rah kar koī be-ghar hai tumheñ kyā mā'lūm
phuul se hoñT bhī kar jaate haiñ dil ko zaḳhmī
us kī har baat meñ ḳhanjar hai tumheñ kyā mā'lūm
ashk majbūroñ ke majbūr nahīñ hote haiñ
ek ik buuñd samundar hai tumheñ kyā mā'lūm
pyaas bujhtī hai kahīñ ret ke dariyāoñ se
aab ye aab kā manzar hai tumheñ kyā mā'lūm
chāñd ik zaḳhm kī mānind sitāre aañsū
raat bhī ek sitam-gar hai tumheñ kyā mā'lūm
zindagī kyā hai mahīvāl se pūchhe koī
ek ghultī huī gāgar hai tumheñ kyā mā'lūm
ek poras bhi sikandar hai tumhein kya ma'lum
mom apni jagah patthar hai tumhein kya ma'lum
bhiD rishton ki bhi hai aur hai tanhai bhi
ghar mein rah kar koi be-ghar hai tumhein kya ma'lum
phul se honT bhi kar jate hain dil ko zaKHmi
us ki har baat mein KHanjar hai tumhein kya ma'lum
ashk majburon ke majbur nahin hote hain
ek ek bund samundar hai tumhein kya ma'lum
pyas bujhti hai kahin ret ke dariyaon se
aab ye aab ka manzar hai tumhein kya ma'lum
chand ek zaKHm ki manind sitare aansu
raat bhi ek sitam-gar hai tumhein kya ma'lum
zindagi kya hai mahiwal se puchhe koi
ek ghulti hui gagar hai tumhein kya ma'lum
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
