baat jab aa hi gai samne majburi ki

baat jab aa hī ga.ī sāmne majbūrī kī

khelte kūdte bachchoñ ne bhī mazdūrī kī

maiñ ne phir pyaas chhupāne kā hunar siikh liyā

ek dariyā ne mire sāmne maġhrūrī kī

so gaye shahr-e-ḳhamoshāñ meñ ka.ī nām-o-nishāñ

maut ne kaaT diiñ sab rassiyāñ mash.hūrī kī

maiñ ne raushan na kiye koī umīdoñ ke charāġh

maiñ ne duniyā-e-tasavvur meñ bhī be-nūrī kī

'kāshif'-e-sust kamar bāñdh utar maidāñ meñ

ḳhvāb rah jā.eñge sab niiñd agar puurī kī

baat jab aa hi gai samne majburi ki

khelte kudte bachchon ne bhi mazduri ki

main ne phir pyas chhupane ka hunar sikh liya

ek dariya ne mere samne maghruri ki

so gaye shahr-e-KHamoshan mein kai nam-o-nishan

maut ne kaT din sab rassiyan mashhuri ki

main ne raushan na kiye koi umidon ke charagh

main ne duniya-e-tasawwur mein bhi be-nuri ki

'kashif'-e-sust kamar bandh utar maidan mein

KHwab rah jaenge sab nind agar puri ki