آپ کے مکتب میں آ کے رو دئے
آپ کے مکتب میں آ کے رو دئے
مار اس ڈنڈے کی کھا کے رو دئے
منہ دکھا کے رونے میں آئی جو شرم
تولیے میں منہ چھپا کے رو دئے
روئیں تنہا یہ نہیں بھاتا ہمیں
چار چھ کو ہم رلا کے رو دئے
بے سبب رونے کو جو چاہا کبھی
پیاز کا بھرتا بنا کے رو دئے
جس گھڑی ڈیڈی نے مارا چپ رہے
سامنے امی کے آ کے رو دئے
جیسے منہ میں رکھ لیا شعلہ کوئی
پان میں چونا لگا کے رو دئے
پانچ کو پڑھنے لگے اب کانچ وہ
ماسٹر عینک گنوا کے رو دئے
دی سزا چوروں کو اللہ پاک نے
جوتے مسجد میں چرا کے رو دئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
