shan-e-hunar kalam-e-suKHanwar bhi kuchh nahin

shān-e-hunar kalām-e-suḳhanvar bhī kuchh nahīñ

'ijz-e-faqīr-o-kibr-e-tavangar bhī kuchh nahīñ

buniyād kuchh nahīñ hai kisī shai kī is jagah

is shahr meñ bahā-e-sikandar bhī kuchh nahīñ

rishta rivāyatoñ se bhī baaqī nahīñ rahā

ā.inda ke safar ke 'ufuq par bhī kuchh nahīñ

shām-e-firāq-e-yār vahī dasht-o-dar vahī

sahrā-e-ġham ke paar kā manzar bhī kuchh nahīñ

lā-hāsilī hī shahr kī taqdīr hai 'munīr'

bāhar bhī ghar se kuchh nahīñ andar bhī kuchh nahīñ

shan-e-hunar kalam-e-suKHanwar bhi kuchh nahin

'ijz-e-faqir-o-kibr-e-tawangar bhi kuchh nahin

buniyaad kuchh nahin hai kisi shai ki is jagah

is shahr mein baha-e-sikandar bhi kuchh nahin

rishta riwayaton se bhi baqi nahin raha

aainda ke safar ke 'ufuq par bhi kuchh nahin

sham-e-firaq-e-yar wahi dasht-o-dar wahi

sahra-e-gham ke par ka manzar bhi kuchh nahin

la-hasili hi shahr ki taqdir hai 'munir'

bahar bhi ghar se kuchh nahin andar bhi kuchh nahin