miTTi ke be-kanar jahanon ke bich mein
miTTī ke be-kanār jahānoñ ke biich meñ
maiñ huuñ kahīñ khapī huī jānoñ ke biich meñ
dīvār-e-āsmāñ kā patā tak nahīñ chalā
the log itne mahv uḌānoñ ke biich meñ
sone se ham-kanār darāñtī kī dhaar thī
gandum bichhī huī thī kisānoñ ke biich meñ
tab'an jhukāv thā mirā tajrīd kī taraf
so mutma.in huuñ apne gumānoñ ke biich meñ
uslūb-e-chashm jis kā alag hai jahān se
vo muḳhtalif hai ā.ina-ḳhānoñ ke biich meñ
ye jo dhaḌak dhaḌak ke dhaḌaktā hai merā dil
kuchh kuchh zarūr sach hai fasānoñ ke biich meñ
miTTi ke be-kanar jahanon ke bich mein
main hun kahin khapi hui jaanon ke bich mein
diwar-e-asman ka pata tak nahin chala
the log itne mahw uDanon ke bich mein
sone se ham-kanar daranti ki dhaar thi
gandum bichhi hui thi kisanon ke bich mein
tab'an jhukaw tha mera tajrid ki taraf
so mutmain hun apne gumanon ke bich mein
uslub-e-chashm jis ka alag hai jahan se
wo muKHtalif hai aaina-KHanon ke bich mein
ye jo dhaDak dhaDak ke dhaDakta hai mera dil
kuchh kuchh zarur sach hai fasanon ke bich mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
