KHud-saKHta baaten thin sahifa kise kahte

ḳhud-sāḳhta bāteñ thiiñ sahīfa kise kahte

ham shahr-e-'adāvat meñ masīhā kise kahte

jis jis ko bhī dekhā vahī masrūf-e-'amal thā

ham bazm meñ is dil kā fasāna kise kahte

jab sāhab-e-sāhil ne hī sāhil ko na maanā

phir Dūbne vaale bhī kināra kise kahte

vo terī galī ho yā raqīboñ kī nazar ho

ham apne sivā aur tamāshā kise kahte

nuur aañkh kā khoyā na javānī hī gañvā.ī

do din ke divānoñ meñ zuleḳhā kise kahte

sar sajde meñ rakhnā hī zarūrī thā to phir ham

is arz pe masjid yā kalīsā kise kahte

KHud-saKHta baaten thin sahifa kise kahte

hum shahr-e-'adawat mein masiha kise kahte

jis jis ko bhi dekha wahi masruf-e-'amal tha

hum bazm mein is dil ka fasana kise kahte

jab sahab-e-sahil ne hi sahil ko na mana

phir Dubne wale bhi kinara kise kahte

wo teri gali ho ya raqibon ki nazar ho

hum apne siwa aur tamasha kise kahte

nur aankh ka khoya na jawani hi ganwai

do din ke diwanon mein zuleKHa kise kahte

sar sajde mein rakhna hi zaruri tha to phir hum

is arz pe masjid ya kalisa kise kahte