aatish-e-jaan se bachte bachte apne soz mein jal jaana

ātish-e-jāñ se bachte bachte apne soz meñ jal jaanā

apne soz meñ jal jaanā hī maiñ ne apnā hal jaanā

jaate jaate mujh ko kisī ne tambīhan paiġhām diyā

apnā aap sañbhālā karnā apne aap sañbhal jaanā

itnī raat ga.e aa.ī ho baiTho nā kuchh baat karo

yād-nagar to jhaT pahuñchogī aisā karnā kal jaanā

muddat baa'd samajh aayā ki dhuñdlāyā kyuuñ ik manzar

har raushan sūraj ko āḳhir ik din to hai Dhal jaanā

mere shauq meñ ek zarā bhī tum ko khoT nazar aa.e

e'lānan phir jhūTā kahnā muñh par kālak mal jaanā

choT lage to dard kī shiddat kam kam yuuñ mahsūs karo

maiñ ne sab ko ghāyal paayā jis jis ko pāgal jaanā

soch samajh kar lapkā karnā har sho'le kī jānib tum

mujh ko ḳhīra kar baiThā vo jis ko bhī mash'al jaanā

aatish-e-jaan se bachte bachte apne soz mein jal jaana

apne soz mein jal jaana hi main ne apna hal jaana

jate jate mujh ko kisi ne tambihan paigham diya

apna aap sanbhaala karna apne aap sanbhal jaana

itni raat gae aai ho baiTho na kuchh baat karo

yaad-nagar to jhaT pahunchogi aisa karna kal jaana

muddat ba'd samajh aaya ki dhundlaya kyun ek manzar

har raushan suraj ko aaKHir ek din to hai Dhal jaana

mere shauq mein ek zara bhi tum ko khoT nazar aae

e'lanan phir jhuTa kahna munh par kalak mal jaana

choT lage to dard ki shiddat kam kam yun mahsus karo

main ne sab ko ghayal paya jis jis ko pagal jaana

soch samajh kar lapka karna har sho'le ki jaanib tum

mujh ko KHira kar baiTha wo jis ko bhi mash'al jaana