amn-e-alam jabr ke jis aahani panje mein hai
amn-e-'ālam jabr ke jis āhanī panje meñ hai
kyuuñ na us ko toḌ deñ insāniyat ḳhatre meñ hai
jis ke baa'd insān pā jaatā hai har ġham se najāt
zindagī kā mā-hasal us āḳhrī lamhe meñ hai
ab tumhārā farz hai is kī hifāzat mai-kasho
ādmiyyat barhaman aur shaiḳh ke narġhe meñ hai
kis qadar badlā huā hai daur-e-hāzir kā mizāj
kyā qayāmat hai junūñ bhī 'aql ke kahne meñ hai
dekhne ke vāste chashm-e-basīrat chāhiye
kā.enāt-e-husn kā jalva har ik zarre meñ hai
lab pe kuchh hai dil meñ kuchh hai is siyāsī daur meñ
kaun keh saktā hai 'rāhī' kaun kis ḳheme meñ hai
amn-e-'alam jabr ke jis aahani panje mein hai
kyun na us ko toD den insaniyat KHatre mein hai
jis ke ba'd insan pa jata hai har gham se najat
zindagi ka ma-hasal us aaKHri lamhe mein hai
ab tumhaara farz hai is ki hifazat mai-kasho
aadmiyyat barhaman aur shaiKH ke narghe mein hai
kis qadar badla hua hai daur-e-hazir ka mizaj
kya qayamat hai junun bhi 'aql ke kahne mein hai
dekhne ke waste chashm-e-basirat chahiye
kaenat-e-husn ka jalwa har ek zarre mein hai
lab pe kuchh hai dil mein kuchh hai is siyasi daur mein
kaun keh sakta hai 'rahi' kaun kis KHeme mein hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
