نیند راتوں کی اڑا دیتے ہیں
ہم ستاروں کو دعا دیتے ہیں
روز اچھے نہیں لگتے آنسو
خاص موقعوں پہ مزا دیتے ہیں
اب کے ہم جان لڑا بیٹھیں گے
دیکھیں اب کون سزا دیتے ہیں
ہائے وہ لوگ جو دیکھے بھی نہیں
یاد آئیں تو رلا دیتے ہیں
دی ہے خیرات اسی در سے کبھی
اب اسی در پہ صدا دیتے ہیں
آگ اپنے ہی لگا سکتے ہیں
غیر تو صرف ہوا دیتے ہیں
کتنے چالاک ہیں خوباں علویؔ
ہم کو الزام وفا دیتے ہیں
Suggested Book
Lifaafe Mein Raushni
Buy This BookAdditional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
