ab to ninden haram karte hain
ab to nīñdeñ harām karte haiñ
zindagī yuuñ tamām karte haiñ
rāh-e-ulfat meñ de ke jān-e-hazīñ
ham pas-e-marg naam karte haiñ
taare gin gin ke sub.h hotī hai
Thokareñ khā ke shaam karte haiñ
huuñ musībat-zada to apne bhī
duur hī se salām karte haiñ
kuchh na pūchho 'munīr' kī hālat
apnā bad-nām naam karte haiñ
ab to ninden haram karte hain
zindagi yun tamam karte hain
rah-e-ulfat mein de ke jaan-e-hazin
hum pas-e-marg nam karte hain
tare gin gin ke subh hoti hai
Thokaren kha ke sham karte hain
hun musibat-zada to apne bhi
dur hi se salam karte hain
kuchh na puchho 'munir' ki haalat
apna bad-nam nam karte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
