tumhein bachani hai mahfilon mein bas apni izzat to chup hi rahna
tumheñ bachānī hai mahfiloñ meñ bas apnī 'izzat to chup hī rahnā
jo chāhte ho baḌhānā yaaro jahāñ meñ qīmat to chup hī rahnā
laboñ pe apne bhalā maiñ kaise karūñgā qaabū koī batā.e
vo keh rahe haiñ kahīñ jo dekho hasīn sūrat to chup hī rahnā
na muñh banānā na lab hilānā yahī hai behtar tumhāre haq meñ
ġhalat ravish par koī jo tum ko kare nasīhat to chup hī rahnā
ḳhamosh rahnā vahāñ ġhalat hai jahāñ zarūrī ho baat karnā
jahāñ tumhāre ho bolne kī nahīñ zarūrat to chup hī rahnā
jahāñ pe bāteñ banāne vaale bas apnī bāteñ banā rahe huuñ
zabāñ-darāzī kī gar nahīñ hai tumhārī 'ādat to chup hī rahnā
tumhein bachani hai mahfilon mein bas apni 'izzat to chup hi rahna
jo chahte ho baDhana yaro jahan mein qimat to chup hi rahna
labon pe apne bhala main kaise karunga qabu koi batae
wo keh rahe hain kahin jo dekho hasin surat to chup hi rahna
na munh banana na lab hilana yahi hai behtar tumhaare haq mein
ghalat rawish par koi jo tum ko kare nasihat to chup hi rahna
KHamosh rahna wahan ghalat hai jahan zaruri ho baat karna
jahan tumhaare ho bolne ki nahin zarurat to chup hi rahna
jahan pe baaten banane wale bas apni baaten bana rahe hun
zaban-daraazi ki gar nahin hai tumhaari 'adat to chup hi rahna
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
