tarz-e-izhaar badal pyar ka andaz badal

tarz-e-iz.hār badal pyaar kā andāz badal

kuchh to iqrār kā inkār kā andāz badal

dil kī nazroñ se kabhī dekh ujālā kar ke

yuuñ zarā husn ke dīdār kā andāz badal

kyā huā hai use kyūñ-kar vo ḳhafā rahtā hai

sochnā chhoḌ de guftār kā andāz badal

ġhāfiloñ se tujhe kyūñ-kar hai tavaqqo' itnī

ho sake to kisī bedār kā andāz badal

de na.e kapḌe ġharīboñ ko purāne kī jagah

tū ġhanī hai to phir īsār kā andāz badal

bin gine bhī to kabhī zikr kiyā kar 'farhān'

ab to tasbīh ke azkār kā andāz badal

tarz-e-izhaar badal pyar ka andaz badal

kuchh to iqrar ka inkar ka andaz badal

dil ki nazron se kabhi dekh ujala kar ke

yun zara husn ke didar ka andaz badal

kya hua hai use kyun-kar wo KHafa rahta hai

sochna chhoD de guftar ka andaz badal

ghafilon se tujhe kyun-kar hai tawaqqo' itni

ho sake to kisi bedar ka andaz badal

de nae kapDe gharibon ko purane ki jagah

tu ghani hai to phir isar ka andaz badal

bin gine bhi to kabhi zikr kiya kar 'farhan'

ab to tasbih ke azkar ka andaz badal