dusri bar hamein nind ki mohlat na mili

dūsrī baar hameñ niiñd kī mohlat na milī

ek hī ḳhvāb kī tā'bīr se fursat na milī

is liye jald javānī meñ sañbhal paa.e nahīñ

hameñ bachpan meñ buzurgoñ se nasīhat na milī

terī āñkhoñ sī kahīñ āñkheñ banā.ī na ga.iiñ

terī sūrat se kisī shaḳhs kī sūrat na milī

is nazāre se tire log faqat vāqif haiñ

jis ne dekhā nahīñ tujh ko use hairat na milī

thak ke āḳhir ko vo ik shāḳh pe aa baiThā hai

us parinde ko koī Dhang kī jab chhat na milī

ham ne chāhā thā dil-o-jān luTā deñ 'ātif'

aur hameñ 'ishq meñ itnī bhī suhūlat na milī

dusri bar hamein nind ki mohlat na mili

ek hi KHwab ki ta'bir se fursat na mili

is liye jald jawani mein sanbhal pae nahin

hamein bachpan mein buzurgon se nasihat na mili

teri aankhon si kahin aankhen banai na gain

teri surat se kisi shaKHs ki surat na mili

is nazare se tere log faqat waqif hain

jis ne dekha nahin tujh ko use hairat na mili

thak ke aaKHir ko wo ek shaKH pe aa baiTha hai

us parinde ko koi Dhang ki jab chhat na mili

hum ne chaha tha dil-o-jaan luTa den 'atif'

aur hamein 'ishq mein itni bhi suhulat na mili