deta nahin hai waqt ye saughat barha
detā nahīñ hai vaqt ye sauġhāt bārhā
hotī rahe jo un se mulāqāt bārhā
kaise mile sukūn kahāñ jaa.eñ kyā kareñ
bechain kar rahī hai yahī baat bārhā
aaseb kī ho jaise havelī mirā dimāġh
laate haiñ she'r ġhaib se jinnāt bārhā
nīñdoñ ko toḌ detī hai ḳhvāboñ kī sar-kashī
ḳhvāboñ ko toḌ dete haiñ ḳhadshāt bārhā
allāh ne'matoñ se navāze to shukr kar
hotī nahīñ har ek pe barsāt bārhā
bas ek hī naqāb ho chehre pe aap ke
dekhegā kaun aise tilismāt bārhā
deta nahin hai waqt ye saughat barha
hoti rahe jo un se mulaqat barha
kaise mile sukun kahan jaen kya karen
bechain kar rahi hai yahi baat barha
aaseb ki ho jaise haweli mera dimagh
late hain she'r ghaib se jinnat barha
nindon ko toD deti hai KHwabon ki sar-kashi
KHwabon ko toD dete hain KHadshat barha
allah ne'maton se nawaze to shukr kar
hoti nahin har ek pe barsat barha
bas ek hi naqab ho chehre pe aap ke
dekhega kaun aise tilismat barha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
