na-KHuda ko na pukara ye KHata le Dubi

nā-ḳhudā ko na pukārā ye ḳhatā le Duubī

ham ko tūfān meñ ḳhud apnī anā le Duubī

haiñ salīboñ pe kabhī aur kabhī tīroñ kā hadaf

ham vafā-dār the to ham ko vafā le Duubī

jo kabhī ġhair ke āñgan ko ziyā de na sake

un charāġhoñ ko zamāne kī havā le Duubī

us kī zulfoñ meñ giraftār hue haiñ kitne

haa.e dīvānoñ ko zanjīr-e-balā le Duubī

karne aa.e the mohabbat ke marīzoñ kā 'ilāj

ḳhud tabīboñ ko marīzoñ kī adā le Duubī

raah meñ chhoḌ ke mujh ko vo bhaTaktā hī rahā

dekho zālim ko mirī āh-o-bukā le Duubī

us bulandī pe thā maiñ ho ga.ī duniyā hāsid

mujh ko 'kausar' ye mirī fikr-e-rasā le Duubī

na-KHuda ko na pukara ye KHata le Dubi

hum ko tufan mein KHud apni ana le Dubi

hain salibon pe kabhi aur kabhi tiron ka hadaf

hum wafa-dar the to hum ko wafa le Dubi

jo kabhi ghair ke aangan ko ziya de na sake

un charaghon ko zamane ki hawa le Dubi

us ki zulfon mein giraftar hue hain kitne

hae diwanon ko zanjir-e-bala le Dubi

karne aae the mohabbat ke marizon ka 'ilaj

KHud tabibon ko marizon ki ada le Dubi

rah mein chhoD ke mujh ko wo bhaTakta hi raha

dekho zalim ko meri aah-o-buka le Dubi

us bulandi pe tha main ho gai duniya hasid

mujh ko 'kausar' ye meri fikr-e-rasa le Dubi