dard ki intiha raha hun main

dard kī intihā rahā huuñ maiñ

is liye muskurā rahā huuñ maiñ

yād-e-ayyām terī chaukhaT par

ek muddat khaḌā rahā huuñ maiñ

zulmat-e-shab charāġh-e-ulfat huuñ

āñdhiyoñ meñ DaTā rahā huuñ maiñ

lafz-o-mā'nī se māvarā ho kar

zaḳhm-e-dil kī sadā rahā huuñ maiñ

haañ sar-e-bazm sach kahā thā kabhī

us kī qīmat chukā rahā huuñ maiñ

surḳh-rū ho ke sū-e-maqtal ab

pā-ba-zanjīr jā rahā huuñ maiñ

ḳhuun se dāstāñ raqam kī hai

kyuuñ kahūñ bā-vafā rahā huuñ maiñ

raaz batlā.ūñ shā'irī kā kyā

be-ḳhudī meñ paḌā rahā huuñ maiñ

ik ḳhushī kī talāsh meñ 'akram'

āñsuoñ se nahā rahā huuñ maiñ

dard ki intiha raha hun main

is liye muskura raha hun main

yaad-e-ayyam teri chaukhaT par

ek muddat khaDa raha hun main

zulmat-e-shab charagh-e-ulfat hun

aandhiyon mein DaTa raha hun main

lafz-o-ma'ni se mawara ho kar

zaKHm-e-dil ki sada raha hun main

han sar-e-bazm sach kaha tha kabhi

us ki qimat chuka raha hun main

surKH-ru ho ke su-e-maqtal ab

pa-ba-zanjir ja raha hun main

KHun se dastan raqam ki hai

kyun kahun ba-wafa raha hun main

raaz batlaun sha'iri ka kya

be-KHudi mein paDa raha hun main

ek KHushi ki talash mein 'akram'

aansuon se naha raha hun main