jo shaKH se uDa hai wo tair nazar mein hai

jo shāḳh se uḌā hai vo taa.ir nazar meñ hai

be-ḳhvāb bastiyoñ kā musāfir nazar meñ hai

DhūñDūñ use kahāñ jo rag-o-pai meñ Dhal gayā

dekhūñ use kidhar jo ba-zāhir nazar meñ hai

us se judā hue ka.ī sadiyāñ huiiñ magar

ab tak vahī ta'alluq-e-ḳhātir nazar meñ hai

ai yād-e-shām-e-dard-e-judā.ī zarā Thahar

muddat ke baa'd aaj koī phir nazar meñ hai

yuuñ raqs meñ ḳhushī se hai sayyāra-e-zamīñ

jaise koī ḳhalā kā musāfir nazar meñ hai

'mohsin' ho zindagī se mujhe uns kis tarah

us besvā kā avval-o-āḳhir nazar meñ hai

jo shaKH se uDa hai wo tair nazar mein hai

be-KHwab bastiyon ka musafir nazar mein hai

DhunDun use kahan jo rag-o-pai mein Dhal gaya

dekhun use kidhar jo ba-zahir nazar mein hai

us se juda hue kai sadiyan huin magar

ab tak wahi ta'alluq-e-KHatir nazar mein hai

ai yaad-e-sham-e-dard-e-judai zara Thahar

muddat ke ba'd aaj koi phir nazar mein hai

yun raqs mein KHushi se hai sayyara-e-zamin

jaise koi KHala ka musafir nazar mein hai

'mohsin' ho zindagi se mujhe uns kis tarah

us beswa ka awwal-o-aKHir nazar mein hai