us se pur-soz mulaqat kabhi ho ki na ho

us se pur-soz mulāqāt kabhī ho ki na ho

dil meñ jazboñ kī ye bohtāt kabhī ho ki na ho

aa mirī jaan ki mar jā.ūñ maiñ terā ho kar

phir muqaddar meñ koī zaat kabhī ho ki na ho

saf.ha-e-dil pe raqam naam ho us ke merā

ḳhush-nasībī mirī auqāt kabhī ho ki na ho

Duub jā.ūñgī tire vasl kā armāñ le kar

sāhil-e-dil pe mulāqāt kabhī ho ki na ho

aa mirī jaan mirī jaan luTā duuñ tujh par

tere sadqe ko ye ḳhairāt kabhī ho ki na ho

mujh ko aa hī gayā ash'ār-o-takallum jānāñ

ḳhair ab tujh se mirī baat kabhī ho ki na ho

tishnagī apnī bujhā lete haiñ aañsū pī kar

mere hisse kī vo barsāt kabhī ho ki na ho

ai 'qamar' āḳhrī shab hai ye Thahar jā kuchh pal

zindagī meñ shab-e-bārāt kabhī ho ki na ho

us se pur-soz mulaqat kabhi ho ki na ho

dil mein jazbon ki ye bohtat kabhi ho ki na ho

aa meri jaan ki mar jaun main tera ho kar

phir muqaddar mein koi zat kabhi ho ki na ho

safha-e-dil pe raqam nam ho us ke mera

KHush-nasibi meri auqat kabhi ho ki na ho

Dub jaungi tere wasl ka arman le kar

sahil-e-dil pe mulaqat kabhi ho ki na ho

aa meri jaan meri jaan luTa dun tujh par

tere sadqe ko ye KHairaat kabhi ho ki na ho

mujh ko aa hi gaya ash'ar-o-takallum jaanan

KHair ab tujh se meri baat kabhi ho ki na ho

tishnagi apni bujha lete hain aansu pi kar

mere hisse ki wo barsat kabhi ho ki na ho

ai 'qamar' aaKHri shab hai ye Thahar ja kuchh pal

zindagi mein shab-e-baraat kabhi ho ki na ho