teri kuchh aaj rangat sanwli malum hoti hai
tirī kuchh aaj rangat sāñvlī mā'lūm hotī hai
koī to aah siine meñ dabī mā'lūm hotī hai
manāyā jā rahā hai jashn sūraj ke nikalne kā
magar mujh ko to ab bhī tīrgī mā'lūm hotī hai
maiñ aise shahr ko shahr-e-mohabbat keh nahīñ saktā
jahāñ ḳhatre meñ har pal zindagī mā'lūm hotī hai
kabhī majbūriyāñ auroñ pe vo zāhir nahīñ kartā
jise zillat se behtar muflisī mā'lūm hotī hai
'ajab hai Dhang 'vāris' aaj kal logoñ ke jiine kā
bashar kahte hue sharmindagī mā'lūm hotī hai
teri kuchh aaj rangat sanwli ma'lum hoti hai
koi to aah sine mein dabi ma'lum hoti hai
manaya ja raha hai jashn suraj ke nikalne ka
magar mujh ko to ab bhi tirgi ma'lum hoti hai
main aise shahr ko shahr-e-mohabbat keh nahin sakta
jahan KHatre mein har pal zindagi ma'lum hoti hai
kabhi majburiyan auron pe wo zahir nahin karta
jise zillat se behtar muflisi ma'lum hoti hai
'ajab hai Dhang 'waris' aaj kal logon ke jine ka
bashar kahte hue sharmindagi ma'lum hoti hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
