mujhko agar iKHlas ki daulat nahin milti

mujh ko agar iḳhlās kī daulat nahīñ miltī

ahbāb se itnī mujhe 'izzat nahīñ miltī

gar maañ kī du'ā baap kī shafqat nahīñ miltī

rab se hameñ in'ām meñ jannat nahīñ miltī

ban jaatā hai mehnat kā sila ġhair kā hissa

mehnat kī hamārī kabhī ujrat nahīñ miltī

jo oḌh ke rahte haiñ sharāfat kā libāda

un ko bhī TaTolo to sharāfat nahīñ miltī

ik vo ki sukūñ jin ko mayassar hai shab-o-roz

ik ham haiñ ki ik pal hameñ rāhat nahīñ miltī

shādī kī ho taqrīb ki marhūm kī barsī

majbūr ko nādār ko dā'vat nahīñ miltī

ham ḳhud ko samajhte haiñ jab aḳhlāq kā paikar

kyuuñ aaj vo pahlī sī mohabbat nahīñ miltī

kuchh lutf to mil jaatā hai ash'ār meñ lekin

'kāvish' tirī taḳh.īl meñ rif'at nahīñ miltī

mujh ko agar iKHlas ki daulat nahin milti

ahbab se itni mujhe 'izzat nahin milti

gar man ki du'a bap ki shafqat nahin milti

rab se hamein in'am mein jannat nahin milti

ban jata hai mehnat ka sila ghair ka hissa

mehnat ki hamari kabhi ujrat nahin milti

jo oDh ke rahte hain sharafat ka libaada

un ko bhi TaTolo to sharafat nahin milti

ek wo ki sukun jin ko mayassar hai shab-o-roz

ek hum hain ki ek pal hamein rahat nahin milti

shadi ki ho taqrib ki marhum ki barsi

majbur ko nadar ko da'wat nahin milti

hum KHud ko samajhte hain jab aKHlaq ka paikar

kyun aaj wo pahli si mohabbat nahin milti

kuchh lutf to mil jata hai ash'ar mein lekin

'kawish' teri taKHil mein rif'at nahin milti