bulandi de ke KHud ko phir KHudi ko KHwar karna

bulandī de ke ḳhud ko phir ḳhudī ko ḳhvār karnā

bashar ko bas yahī to aatā hai har baar karnā

mujhe miTTī banā denā kabhī fursat mile to

usī se phir ka.ī shā'ir na.e tayyār karnā

khulā hī kab tumhārā dar kisī kī dastakoñ par

tumhīñ se maiñ ne sīkhā hai magar isrār karnā

bahut se tiir mujh par haiñ zamāne ne chalā.e

hunar bas aap meñ thā siine ke us paar karnā

hameñ mā'lūm haiñ zaḳhmoñ ke marham bhī magar ham

yahī tarkīb rakhte haiñ ki un par vaar karnā

agar mil jaa.e vo 'ānan' to qissa ḳhatm hī hai

isī meñ ḳhair hai bas duur se dīdār karnā

bulandi de ke KHud ko phir KHudi ko KHwar karna

bashar ko bas yahi to aata hai har bar karna

mujhe miTTi bana dena kabhi fursat mile to

usi se phir kai sha'ir nae tayyar karna

khula hi kab tumhaara dar kisi ki dastakon par

tumhin se main ne sikha hai magar israr karna

bahut se tir mujh par hain zamane ne chalae

hunar bas aap mein tha sine ke us par karna

hamein ma'lum hain zaKHmon ke marham bhi magar hum

yahi tarkib rakhte hain ki un par war karna

agar mil jae wo 'anan' to qissa KHatm hi hai

isi mein KHair hai bas dur se didar karna