pani par taswir utara karte the

paanī par tasvīr utārā karte the

ham tālāb meñ patthar maarā karte the

agle logoñ ne bhī vaqt guzārā hai

sochtā huuñ kis tarh guzārā karte the

koī baat thī mere sar par chāñd na thā

tum jo merī samt ishārā karte the

ham se koī andeshe koī ḳhauf na thā

phir bhī ūñche log kinārā karte the

'rām' jī ab to niiñd se bhī Dar lagtā hai

pahle hañs kar maut gavārā karte the

pani par taswir utara karte the

hum talab mein patthar mara karte the

agle logon ne bhi waqt guzara hai

sochta hun kis tarh guzara karte the

koi baat thi mere sar par chand na tha

tum jo meri samt ishaara karte the

hum se koi andeshe koi KHauf na tha

phir bhi unche log kinara karte the

'ram' ji ab to nind se bhi Dar lagta hai

pahle hans kar maut gawara karte the