zindagi se ye silsila kyon hai
zindagī se ye silsila kyoñ hai
lāzmī koī hādisa kyoñ hai
rahnumā.ī tirī hai ye kaisī
maut hī āḳhrī pata kyoñ hai
phuul koī nahīñ hai rāhoñ meñ
aur kāñToñ kā qāfila kyoñ hai
tere hone se ho rahā hai nasha
dil meñ saaqī ye valvala kyoñ hai
roz chalte haiñ terī hī jānib
phir bhī lekin ye fāsla kyoñ hai
tujh se dil bhī lagā ke dekh liyā
talḳh hī terā tajraba kyoñ hai
zindagī tujh se kis tarah pūchheñ
jaane ham se tujhe gila kyoñ hai
zindagi se ye silsila kyon hai
lazmi koi hadisa kyon hai
rahnumai teri hai ye kaisi
maut hi aaKHri pata kyon hai
phul koi nahin hai rahon mein
aur kanTon ka qafila kyon hai
tere hone se ho raha hai nasha
dil mein saqi ye walwala kyon hai
roz chalte hain teri hi jaanib
phir bhi lekin ye fasla kyon hai
tujh se dil bhi laga ke dekh liya
talKH hi tera tajraba kyon hai
zindagi tujh se kis tarah puchhen
jaane hum se tujhe gila kyon hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
