past lahja tha tumhaara mujhko samjhate hue
past lahja thā tumhārā mujh ko samjhāte hue
hārne kā ḳhauf taarī ho gayā jaate hue
maut ne kyuuñ jīte-jī hī maar Daalā hai mujhe
dil mirā ye keh rahā thā us ko kafnāte hue
ek din pūchhā thā maiñ ne pyaar karte ho mujhe
soch kar kuchh haañ kahā thā us ne sharmāte hue
ab kisī jhagḌe meñ shāmil ho nahīñ saktā kabhī
maiñ ulajhtā jā rahā huuñ ḳhud hī suljhāte hue
husn ne maġhrūr jin ko kar diyā thā āḳhirash
aaj un phūloñ ko dekhā kitnā murjhāte hue
haath ḳhālī the hamāre aur khilaunā yaad thā
dil pe patthar rakh liyā hai apne ghar jaate hue
chhat pe jā ke roz hī rakkhā karo 'maqsūd' jī
māñgte haiñ paanī panchhī par ko phailāte hue
past lahja tha tumhaara mujh ko samjhate hue
haarne ka KHauf tari ho gaya jate hue
maut ne kyun jite-ji hi mar Dala hai mujhe
dil mera ye keh raha tha us ko kafnate hue
ek din puchha tha main ne pyar karte ho mujhe
soch kar kuchh han kaha tha us ne sharmate hue
ab kisi jhagDe mein shamil ho nahin sakta kabhi
main ulajhta ja raha hun KHud hi suljhate hue
husn ne maghrur jin ko kar diya tha aaKHirash
aaj un phulon ko dekha kitna murjhate hue
hath KHali the hamare aur khilauna yaad tha
dil pe patthar rakh liya hai apne ghar jate hue
chhat pe ja ke roz hi rakkha karo 'maqsud' ji
mangte hain pani panchhi par ko phailate hue
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
