meri aankhon se ab bahta lahhu achchha nahin lagta

mirī āñkhoñ se ab bahtā lahhū achchhā nahīñ lagtā

mirā ḳhud se bhī karnā guftugū achchhā nahīñ lagtā

tumhāre haath jo mahke haiñ mere ḳhuuñ kī laalī se

tumhārī āstīnoñ par rafū achchhā nahīñ lagtā

bahut nazdīk se dekhā hai maiñ ne apnī mayyat ko

kafan kā ye safed-o-shoḳh-rū achchhā nahīñ lagtā

guzartī hai jo dil par vo bayāñ ho hī nahīñ paatī

mujhe ab lafzoñ kā ye hāv-hū achchhā nahīñ lagtā

tumhārī yaad meñ āñkheñ lahū ab thūktī haiñ jī

ye aañsū kā badaltā rang-o-bū achchhā nahīñ lagtā

maiñ apne ḳhuun se likhtā huuñ ab qisse judā.ī ke

qalam ko ab siyāhī kā subū achchhā nahīñ lagtā

dam-e-ruḳhsat mire lab par koī shikva nahīñ hogā

kisī se maut ke pal guftugū achchhā nahīñ lagtā

dar-o-dīvār hañste haiñ mirī is bebasī par ab

mujhe ab apne ghar kā rang-o-bū achchhā nahīñ lagtā

tire hī haath se miTnā muqaddar hai mirā shāyad

kisī kī or karnā justujū achchhā nahīñ lagtā

bas ab ai maut aa kar chhīn le tū sab se 'sāhil' ko

ki ab mujh ko hī merā rū-ba-rū achchhā nahīñ lagtā

meri aankhon se ab bahta lahhu achchha nahin lagta

mera KHud se bhi karna guftugu achchha nahin lagta

tumhaare hath jo mahke hain mere KHun ki lali se

tumhaari aastinon par rafu achchha nahin lagta

bahut nazdik se dekha hai main ne apni mayyat ko

kafan ka ye safed-o-shoKH-ru achchha nahin lagta

guzarti hai jo dil par wo bayan ho hi nahin pati

mujhe ab lafzon ka ye haw-hu achchha nahin lagta

tumhaari yaad mein aankhen lahu ab thukti hain ji

ye aansu ka badalta rang-o-bu achchha nahin lagta

main apne KHun se likhta hun ab qisse judai ke

qalam ko ab siyahi ka subu achchha nahin lagta

dam-e-ruKHsat mere lab par koi shikwa nahin hoga

kisi se maut ke pal guftugu achchha nahin lagta

dar-o-diwar hanste hain meri is bebasi par ab

mujhe ab apne ghar ka rang-o-bu achchha nahin lagta

tere hi hath se miTna muqaddar hai mera shayad

kisi ki or karna justuju achchha nahin lagta

bas ab ai maut aa kar chhin le tu sab se 'sahil' ko

ki ab mujh ko hi mera ru-ba-ru achchha nahin lagta