maza baqi na marne mein gaya hai lutf jine se

maza baaqī na marne meñ gayā hai lutf jiine se

ki jaise gir gayā huuñ āḳhrī manzil ke ziine se

sharāb-e-'ishq jis ne pī vo us ko aur bhī māñge

ye aisā jaam hai ki tishnagī baḌhtī hai piine se

mohabbat ke sharāroñ se ye ḳhākistar na ho jaa.e

lagī hai aag dil meñ aur dhuāñ uThtā hai siine se

masā.ib ke bhañvar meñ nā-gahānī to na ham aa.e

hamāre nā-ḳhudā ne pher lī nazreñ safīne se

agar iḳhlās kī kunjī 'atā har ek ko hotī

to phir kam-zarf kyā lete mohabbat ke ḳhazīne se

abhī nādim nahīñ hai par nadāmat jab use hogī

to duniyā Duub jā.egī nadāmat ke pasīne se

maza baqi na marne mein gaya hai lutf jine se

ki jaise gir gaya hun aaKHri manzil ke zine se

sharab-e-'ishq jis ne pi wo us ko aur bhi mange

ye aisa jam hai ki tishnagi baDhti hai pine se

mohabbat ke shararon se ye KHakistar na ho jae

lagi hai aag dil mein aur dhuan uThta hai sine se

masaib ke bhanwar mein na-gahani to na hum aae

hamare na-KHuda ne pher li nazren safine se

agar iKHlas ki kunji 'ata har ek ko hoti

to phir kam-zarf kya lete mohabbat ke KHazine se

abhi nadim nahin hai par nadamat jab use hogi

to duniya Dub jaegi nadamat ke pasine se