ji mein aata to hai mar jaen magar kaise maren
jī meñ aatā to hai mar jaa.eñ magar kaise mareñ
saikḌoñ mashvare haiñ aise mareñ aise mareñ
shīsha-e-ḳhvāb ko de māreñ kisī patthar par
aur us shor kī jhallā.ī huī lai se mareñ
'ishq meñ marne ke ādāb se vāqif nahīñ shahr
dasht apnā.eñ kisī hijr-numā shai se mareñ
un ko is jashn meñ aane kā koī shauq nahīñ
aap kī marzī hai jab chāheñ jahāñ jaise mareñ
ham ko to nashsha-e-āzār-e-fanā kī hai talab
aise ġham kab haiñ hameñ jo qadah-e-mai se mareñ
ji mein aata to hai mar jaen magar kaise maren
saikDon mashware hain aise maren aise maren
shisha-e-KHwab ko de maren kisi patthar par
aur us shor ki jhallai hui lai se maren
'ishq mein marne ke aadab se waqif nahin shahr
dasht apnaen kisi hijr-numa shai se maren
un ko is jashn mein aane ka koi shauq nahin
aap ki marzi hai jab chahen jahan jaise maren
hum ko to nashsha-e-azar-e-fana ki hai talab
aise gham kab hain hamein jo qadah-e-mai se maren
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
