ek din jhalla ke mar jaenge hum

ek din jhallā ke mar jā.eñge ham

shaam se pahle hī ghar jā.eñge ham

saḳht kar ke ek din ḳhud apnī ḳhaak

ek patthar narm kar jā.eñge ham

ek ḳhāmoshī pukāregī hameñ

ek ThanDī aah bhar jā.eñge ham

āḳhirash kas degā koī ġham nakel

ek jhaTke meñ Thahar jā.eñge ham

ek hī jā-e-amāñ hai āḳhirash

aur kahāñ thak-hār kar jā.eñge ham

ek shab mastī ke 'ālam meñ 'safīr'

raat par hañs kar guzar jā.eñge ham

ek din jhalla ke mar jaenge hum

sham se pahle hi ghar jaenge hum

saKHt kar ke ek din KHud apni KHak

ek patthar narm kar jaenge hum

ek KHamoshi pukaregi hamein

ek ThanDi aah bhar jaenge hum

aaKHirash kas dega koi gham nakel

ek jhaTke mein Thahar jaenge hum

ek hi ja-e-aman hai aaKHirash

aur kahan thak-haar kar jaenge hum

ek shab masti ke 'alam mein 'safir'

raat par hans kar guzar jaenge hum