ajib haal mein baKHshi gain mujhe sansen

'ajīb haal meñ baḳhshī ga.iiñ mujhe sāñseñ

jahāñ ghuTan hai vahāñ kaise koī le sāñseñ

ye aarzū bhī mirī ho nahīñ sakī puurī

koī gale se lagā kar mirī sune sāñseñ

usī ne chain se jiine nahīñ diyā ham ko

vo jis ke naam mohabbat meñ kar chuke sāñseñ

har ek saañs tire naam kar ke jaatā huuñ

qazā ke baa'd mubārak mirī tujhe sāñseñ

akelā maiñ hī nahīñ huuñ jo us pe martā huuñ

use to dekh ke bharte haiñ aa.ine sāñseñ

vo chāhtā hai ki kar duuñ inheñ bhī us ke naam

jo mere paas haiñ gintī kī chand ye sāñseñ

inheñ bhī chhīn le ai merī zindagī mujh se

jo bach ga.ī haiñ 'kabīrā' ye kyā kare sāñseñ

'ajib haal mein baKHshi gain mujhe sansen

jahan ghuTan hai wahan kaise koi le sansen

ye aarzu bhi meri ho nahin saki puri

koi gale se laga kar meri sune sansen

usi ne chain se jine nahin diya hum ko

wo jis ke nam mohabbat mein kar chuke sansen

har ek sans tere nam kar ke jata hun

qaza ke ba'd mubarak meri tujhe sansen

akela main hi nahin hun jo us pe marta hun

use to dekh ke bharte hain aaine sansen

wo chahta hai ki kar dun inhen bhi us ke nam

jo mere pas hain ginti ki chand ye sansen

inhen bhi chhin le ai meri zindagi mujh se

jo bach gai hain 'kabira' ye kya kare sansen