kahan kab farq paDta hai kisi ke aane-jaane mein
kahāñ kab farq paḌtā hai kisī ke āne-jāne meñ
ka.ī kirdār hote haiñ kahānī meñ fasāne meñ
bahut se rang bādal aur parinde lauT jaate haiñ
ka.ī mausam bahut tāḳhīr kar dete haiñ aane meñ
bahut se dostoñ kā ruuTh jaanā raaz rahtā hai
unheñ nārāz jaanā hotā hai agle zamāne meñ
zamāna apne hāthoñ apnā chehra Dhāñp letā hai
ka.ī sadiyāñ guzar jaatī haiñ ye parda uThāne meñ
sar-e-maidāñ nihattā aadmī be-ḳhauf hotā hai
magar ik ḳhauf hotā hai kahīñ ḳhufiya Thikāne meñ
jahāñ dariyā guzartā hai nishānī chhoḌ jaatā hai
bahā kar saath le jaatā hai kyā kuchh ābyāne meñ
ḳhazāna ḳhālī kar dene meñ kitnī der lagtī hai
yahāñ to 'umr lag jaatī hai do paise kamāne meñ
kahan kab farq paDta hai kisi ke aane-jaane mein
kai kirdar hote hain kahani mein fasane mein
bahut se rang baadal aur parinde lauT jate hain
kai mausam bahut taKHir kar dete hain aane mein
bahut se doston ka ruTh jaana raaz rahta hai
unhen naraaz jaana hota hai agle zamane mein
zamana apne hathon apna chehra Dhanp leta hai
kai sadiyan guzar jati hain ye parda uThane mein
sar-e-maidan nihatta aadmi be-KHauf hota hai
magar ek KHauf hota hai kahin KHufiya Thikane mein
jahan dariya guzarta hai nishani chhoD jata hai
baha kar sath le jata hai kya kuchh aabyane mein
KHazana KHali kar dene mein kitni der lagti hai
yahan to 'umr lag jati hai do paise kamane mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
