bikharte rabton ka hai bichhaDte raston ka hai
bikharte rābtoñ kā hai bichhaḌte rāstoñ kā hai
december naam hai jis kā mahīna hādsoñ kā hai
kahīñ hai aas kā bādal kahīñ yādoñ kī būñdeñ haiñ
machaltī ḳhvāhishoñ kā hai ye mausam bārishoñ kā hai
vahī mai-kash havā.eñ haiñ vahī gum-sum fazā.eñ haiñ
mirī pur-amn duniyā meñ ye mausam sāzishoñ kā hai
purāne 'ārize saare umaD aa.e haiñ āñkhoñ meñ
ye mausam hai sarāboñ kā ye mausam vasvasoñ kā hai
vahī sab rat-jage 'abrak' vahī tere gile 'abrak'
ki us ke baa'd bhī har pal usī kī vahshatoñ kā hai
bikharte rabton ka hai bichhaDte raston ka hai
december nam hai jis ka mahina hadson ka hai
kahin hai aas ka baadal kahin yaadon ki bunden hain
machalti KHwahishon ka hai ye mausam barishon ka hai
wahi mai-kash hawaen hain wahi gum-sum fazaen hain
meri pur-amn duniya mein ye mausam sazishon ka hai
purane 'arize sare umaD aae hain aankhon mein
ye mausam hai sarabon ka ye mausam waswason ka hai
wahi sab rat-jage 'abrak' wahi tere gile 'abrak'
ki us ke ba'd bhi har pal usi ki wahshaton ka hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
