badle hue mausam ki ada dekh rahe hain

badle hue mausam kī adā dekh rahe haiñ

gaaoñ meñ bhī ālūda havā dekh rahe haiñ

hote nahīñ ab saaf pahāḌoñ ke manāzir

kuchh din se ye dhuñdlā.ī fazā dekh rahe haiñ

aaj un ke laboñ par koī shikva na shikāyat

hairat hai ki ham aaj ye kyā dekh rahe haiñ

har samt hameñ ek tamāsha nazar aayā

duniyā se zarā ḳhud ko judā dekh rahe haiñ

sar-ḳham kiye logoñ kī qatāreñ nazar aa.iiñ

hote hue bandoñ ko ḳhudā dekh rahe haiñ

'farhān' ye duniyā tumheñ jiine nahīñ degī

ham is ko bahut tum se ḳhafā dekh rahe haiñ

badle hue mausam ki ada dekh rahe hain

gaon mein bhi aaluda hawa dekh rahe hain

hote nahin ab saf pahaDon ke manazir

kuchh din se ye dhundlai faza dekh rahe hain

aaj un ke labon par koi shikwa na shikayat

hairat hai ki hum aaj ye kya dekh rahe hain

har samt hamein ek tamasha nazar aaya

duniya se zara KHud ko juda dekh rahe hain

sar-KHam kiye logon ki qataren nazar aain

hote hue bandon ko KHuda dekh rahe hain

'farhan' ye duniya tumhein jine nahin degi

hum is ko bahut tum se KHafa dekh rahe hain