manzil gum rahon ke nishan malum nahin

manzil gum rāhoñ ke nishāñ mā'lūm nahīñ

aaj kā din guzregā kahāñ mā'lūm nahīñ

un logoñ se yuuñ bhī kyā keh saktā huuñ

jin logoñ ko dil kī zabāñ mā'lūm nahīñ

aao ham se pūchh lo dard kī ik ik baat

kab kaT jā.egī ye zabāñ mā'lūm nahīñ

ahl-e-ḳhirad ko shauq huā hai vahshat kā

lekin rasm-o-rah-e-zindāñ mā'lūm nahīñ

ham barsoñ se patthar ke is shahr meñ haiñ

kaisā hai shīshe kā jahāñ mā'lūm nahīñ

kin rastoñ se aatā hai ab mausam-e-gul

ab khilte haiñ phuul kahāñ mā'lūm nahīñ

mausam hai nam rang havā kā giilā hai

kyoñ uThtā hai dil se dhuāñ mā'lūm nahīñ

manzil gum rahon ke nishan ma'lum nahin

aaj ka din guzrega kahan ma'lum nahin

un logon se yun bhi kya keh sakta hun

jin logon ko dil ki zaban ma'lum nahin

aao hum se puchh lo dard ki ek ek baat

kab kaT jaegi ye zaban ma'lum nahin

ahl-e-KHirad ko shauq hua hai wahshat ka

lekin rasm-o-rah-e-zindan ma'lum nahin

hum barson se patthar ke is shahr mein hain

kaisa hai shishe ka jahan ma'lum nahin

kin raston se aata hai ab mausam-e-gul

ab khilte hain phul kahan ma'lum nahin

mausam hai nam rang hawa ka gila hai

kyon uThta hai dil se dhuan ma'lum nahin